Ata hai moi pouco, no noso horto había moitos abellóns, e estudamos algúns deles. Agora, coa chegada do frío, xa non os vemos. Son uns insectos moi interesantes, como veredes a continuación.
Os abellóns ou abesouros son insectos himenópteros que pertencen á familia das abellas (Apidae). Son moi peludos, e a súa cor, moi parecida ao das abellas, sérvelles para avisar aos depredadores que teñan coidado con eles. Os abellóns teñen aguillón pero normalmente non o utilizan.
Ao igual que as abellas, son insectos sociais, pero as súas colonias son menos numerosas que as das abellas. Tamén fan mel, pero gardan tanta cantidade como as abellas, pois todos os individuos morren ao chegar o inverno, agás a raíña, que sobrevive á estación.
Son insectos que polinizan (axudan a moitas plantas a reproducirse, levando grans de pole desde o gameto masculino dunha planta ata un gameto feminino onde está o óvulo). Así, por exemplo, utilízanse para polinizar tomates nos invernadoiros.
Sen embargo, moitas especies de abellóns están en perigo de desaparecer, e con eles moitas das plantas que polinizan.
Esta información, así como a terceira imaxe, foron extraídas da wikipedia.
Ningún comentario:
Publicar un comentario