FORMACIÓN NO CLUB DE CIENCIAS CON JOSÉ VIÑAS

Este pasado xoves 25 de febreiro tivemos no colexio unha sesión de formación para o profesorado referida ao Club de Ciencias. O profesor José Viñas, profesor, no IES David Buján de Cambre, de Bioloxía e Ciencias Naturais, un gran profesor (recibiu o premio Educa a Mellor Docente de España en Secundaria, foi asesor pedagóxico de European Schoolnet no proxecto “Global Excursion” y mentor en proyectos internacionales e hoxe é desenvolvedor do Proxecto NBS (Nature Based Solutions) de European Schoolnet, comunicador no programa de TVG Aquelando, asesor pedaxógico do Libro dixital E-Dixgal da Consellería de Educación e, xunto con Patricia Barciela, coordinador do apartado de Innovación Educativa de Voz Natura) e un excelente divulgador. Falamos de fomentar a observación e o rexistro de datos no alumnado, de favorecer a súa curiosidade e de como ir formando un espíritu científico e tecnolóxico. Ademais, fixemos algunhas experiencias moi interesantes e divertidas relacionadas coa ciencia e a tecnoloxía, como podedes ver no vídeo. O profesorado pasámolo xenial! E o mes que ven temos unha nova sesión, que xa nos tarda!

Primeiras imaxes en cor de Marte tomadas polo Perseverance

 No xornal GCiencia amósannos as primeiras imaxes en cor que tomou o Perseverance da superficie de Marte. Tamén podedes acceder á súa páxina web premendo neste enlace.

A enxeñeira aeroespacial Diana Trujillo en entrevista

Neste artigo do xornal "El País" podedes coñecer á enxeñeira aeroespacial colombiana Diana Trujillo, quen estivo a cargo do equipo de enxeñeiros que desenvolveu o brazo robótico do Perseverance, quen foi nomeada directora de voo da misión Mars 2020 e que narrou onte en español, a aterraxe da nave na superficie de Marte.

Diana Trujillo fálanos de misión Marte 2020 da NASA

 Neste vídeo a enxeñeira aeroespacial Diana Trujillo, a directora de voo da misión Perseverante explicaba hai uns meses o que ían buscar a Marte. Moi interesante!

Día Internacional da Muller e a Nena na Ciencia con Nieves Vidal González

Esta mañá no colexio celebramos o Día Internacional da Muller e a Nena na Ciencia. Nas aulas de 1º, 5º e 6º de Educación Primaria tivemos unha xornada sobre a ciencia con Nieves Vidal González, co título "Esta árbore precisa de min". Nieves é doutora en bioloxía no Instituto de Investigacións agrobiolóxicas de Galicia (IIAG), do Consello Superior de Investigacións Científicas (CSIC), en Santiago de Compostela. Está a investigar sobre micropropagación de especies leñosas (sobre todo árbores), tamén é especialista en crioconservación de especies como o castiñeiro, o carballo ou a sobreira, análise de estabilidade xenética en plantas cultivadas in vitro, entre outras. 

Nas aulas falounos de diferentes aspectos do seu traballo como científica, de homes e mulleres científicas e das súas investigacións. Amosounos o proceso que desde o Instituto levaron a cabo para clonar un carballo famoso, o Carballo das Mentiras de San Miguel de Sarandón, en Vedra, que enfermara e estaba a morrer. Explicounos todo o proceso científico levado a cabo, así como moitos aspectos, moi interesantes, do traballo científico. Foi unha charla moi interesante e instructiva, achegándonos a ciencia e o traballo científico dun xeito atractivo. Moitas grazas por compartir con nós esta xornada!

Prohibida a caza do lobo en España

A revista de divulgación GCiencia publicou este interesante artigo recentemente. Podes ver a nova directamente na súa páxina premendo neste enlace.

Artigo sobre o noso colexio

Se queres acceder á paxina web que amosamos, preme neste enlace.

De onde ven a caca? Segunda parte

O venres pasado rematamos este experimento, despois de deixar os cereais mergullados en vinagre, simulando o proceso dentro do estómago cos zumes gástricos.

De onde ven a caca? Primeira parte

Na aula de 5º fixemos unha experiencia moi interesante sobre como se producen as substancias de refugallo no noso corpo no proceso da dixestión. É un traballo proposto e realizado por María Mayo, alumna da Facultade de Ciencias da Educación para a asignatura de Ciencias da Natureza. Esta que vedes é a primeira parte dunha experiencia que remataremos mañá, cando vexamos o resultado da acción do "zume gástrico", representado polo vinagre. Neste vídeo podedes ver a primeira parte do experimento.

Experimento sobre a tensión superficial da auga

A semana pasada levamos a cabo un experimento para comprobar a tensión superficial da auga. Foi moi simple, so precisamos un clip e un pouco de auga. Ao principio custaba un pouco facer que o clip non transpasase a membrana superficial da auga, pero despois conseguímolo, aprendemos a non transpasar esa membrana. Tamén estivemos facendo observacións de obxectos coa lupa binocular.