Traballo no horto novo

Esta semana estivemos traballando para preparar o noso horto, agora nunha nova ubicación. O alumnado de 5º e 6º de Educación Primaria traballou a fondo preparando os novos parterres, plantando árbores froiteiras, limpando de lixo, e preparando o terreo para que puidese traballar o resto do alumnado. 

No último día, cada aula do colexio plantou a súa árbore froiteira. O alumnado de Educación Infantil, ademais, plantou os plantóns que tiñan preparado na súa aula. Plantáronse maceiras, pereiras Urraca, claudierias, mirabeles, maceiras Roxelia e pexegueiros.

Mellorando o noso horto

Esta semana o alumnado de 5º e 6º de Educación Primaria estivo a extender o esterco polo noso horto, pois é un excelente abono orgánico natural. Tamén botamos cal (carbonato de calcio, CaCO3) co obxectivo de subir o pH do solo (a terra do noso horto é ácida) e que poda asimilar mellor os nutrientes. Nuns días sairemos medir o pH resultante.

Traballo no horto e a lagoa

Esta mañá o alumnado de 5º de Primaria saiu plantar e realizar unha observación á lagoa. Máis tarde, o alumnado de 6º saiu ao novo horto, a espallar o esterco para que a terra quede abonada. Mañán as alumnas e os alumnos de 5º rematarán ese traballo. Dámoslle as grazas á familia de Leticia, por virnos preparar o terreo, traer o esterco e deixar listo o horto para poder traballar nel. Moitas grazas!

Coidemos as nosas rías. Mariscos e peixes de Galicia

Debate: Está a Terra en perigo?

O pasado xoves 25 de febreiro, na aula de 5º de Educación Primaria realizamos un debate sobre Medio Ambiente baixo o título "Está a Terra en perigo?". Ademais de responder a esta pregunta propuxéronse moitas ideas para poder vivir nun planeta máis coidado e san. Neste podcast podedes escoitar o debate na súa totalidade. A ver que vos parece...