MERENDAS SAUDABLES

MERENDAS SAUDABLES on PhotoPeach
Onte xoves os alumnos e as alumnas de Educación Infantil fixeron unha merenda saudable con brochetas de froita. Desta vez comeron uvas, kiwi, amorodos e plátano. Mmmmm, que rico estaba todo!!!

AMORODOS DE 2º

Este mércores pasado os alumnos e as alumnas de 2º de Educación Primaria, e dentro da Sección Bilingüe, plantaron as súas macetas con amorodos. Que ben quedaron! Se as queredes ver, están no patio, penduradas das reixas das xanelas da Biblioteca.

AMORODOS!

AMORODOS on PhotoPeach Os alumnos e alumnas de 1º realizaron onte unha actividade dentro da programación da Sección Bilingüe, que se está a desenvolver durante este curso. Plantaron amorodos reutilizando botellas de auga. Despois puxémolas no enreixado das xanelas da Biblioteca. A que quedan moi ben?

UN MUNDO DE VERMES

Este pasado venres comezamos cun experimento que se vai desenvolver ao longo das vindeiras semanas. Tal como vedes nas imaxes, nuns botes de cristal imos estudar o comportamento dos venres baixo da terra. Queremos saber como viven e por que son tan imporantes para a terra e para que se desenvolvan as plantas.

ALUMNOS E ALUMNAS DE 5º NO HORTO

Onte mércores os alumnos e as alumnas de 5º de Educación Primaria saíron plantar no horto. Nesta ocasión plantaron navicol, romanesca e leitugas. O traballo realizouse sen atrancos, pois que estes rapaces e rapazas xa teñen moita experiencia nos cultivos de horta.

ALUMNOS E ALUMNAS DE 4º NO HORTO

Onte os alumnos e alumnas de 4º de Educación Primaria saíron traballar no horto. Plantaron leitugas e coles de Bruxelas; así mesmo, regaron as árbores que se plantaran para conmemorar o Día da Árbore. Estes rapaces e rapazas son moi eficientes no traballo!

Plantación de árbores e arbustos

Hoxe os alumnos e as alumnas de Educación Infantil e de 1º e 2º de Educación Primaria plantamos no noso colexio árbores e arbustos doados pola Concellaría de Medio Ambiente do Concello de Santiago. A tal efecto viñeron varios traballadores do Departamento de Parques e Xardíns de CESPA con plantóns e material preciso para levar a cabo a plantación. Antes da actividade xa viñeran prepararnos o terreo e facer os furados para que todo se desenvolvera sen problemas. Igualmente explicáronnos o importante que é plantar árbores. Moitas gracias por todo! 

Plantaron varios frambuesos e groselleiros, e algúns árbores (cerquiños, pereiras, maceiras e cerdeiras).

Como podedes ver nas imaxes o alumnado traballou con moito interese.