Comezo do inverno 2020

O inverno comezou onte 21 de diciembre ás 11 horas y 2 minutos, hora oficial peninsular, segundo cálculos del Observatorio Astronómico Nacional (Instituto Xeográfico Nacional, Ministerio de Transportes, Movilidade e Axenda Urbana). Vai durar 88 días e 23 horas, e rematará o 20 de marzo de 2021, cando comezará a primavera.

Se queredes ter máis información podedes acceder á paxina do Instituto Xeográfico Nacional ou na do xornal GCiencia.

Ademais, este ano, arredor desta data poderemos ver, se as nubes o permiten a chamada "Estrela de Belén", que é a alineación, vista desde a Terra, dos planetas Xúpiter e Saturno, o cal producirá un gran brillo no ceo nocturno. Podes ver este vídeo da revista Muy Interesante sobre este fenómeno:

Caixa niño e comedeiro para paxaros

Este pasado xoves colocamos nunha das bidueiras do areeiro unha caixa niño e un comedeiro para paxaros que nos enviou a Asociación Ambiental Adiantum, co Proxecto “Aves de Compostela“ e o apoio da Deputación Provincial da Coruña.

Experimentos con cores e outras propiedades físicas

Esta semana fixemos na aula de 5º dous experimentos relacionados, pois que en ambos os dous trabállase con cores.

O primeiro, que chamamos Arco da vella no prato, consiste en poñer nun prato unhas cantas lentellas de chocolate e azúcar coloreado, botarlles auga e ver o que ocorre. A cor abandoa os caramelos e tingue a auga, pero as cores non se mesturan. O azúcar aumenta a densidade da auga e forma barreiras de cor.

O segundo experimento, Mestura de cores, traballa a capilaridade, que é a capacidade, grazas a cal a auga pode subir aproveitando conductos minúsculos, o que lle ven moi ben, por exemplo, ás plantas para levar a auga da raíz ás follas. Neste caso, o papel de cociña transmite por capilaridade a auga coloreada duns tarros a outros, formando, así as cores secundarias violeta, laranxa e verde.

 

O ovo e a botella

Esta semana fixemos en varias aulas do colexio este sinxelo pero espectacular experimento. Consiste en facer entrar un ovo nunha botella grazas á forza exercida pola presión atmosférica. Cando dentro da botella se consume o oxíxeno a presión atmosférica empuxa con forza o ovo cara abaixo. Aquí tedes un vídeo demostrativo que fixemos nunha aula:

Un novo horto, novos espazos

O mércores e o xoves pasado fíxose unha gran transformación no horto do colexio. Trasladouse o invernadoiro para un novo lugar, un terreo novo que nos cedeu a Concellaría de Medio Rural do Concello de Santiago, detrás do valado sur. Foi posible grazas ao traballo desinteresado de Joao, o pai dunha alumna da aula de 5º, quen estivo traballando arreo: o mércores pola tarde traballou preparando o terreo para poder mover o invernadoiro do seu lugar, traballando con forza, como podedes ver no vídeo.

O xoves pola mañán, Joao estivo traballando de novo, desinstalando o invernadoiro de onde estaba e levándoo á nova ubicación, o que supuxo cavar zanxas, preparar o novo terreo, facer unha canalización para levar a auga ata alí... Tamén foi posible grazas ao traballo de Carlos, avó doutro alumno da mesma aula, quen veu cunha excavadora para realizar todas as labouras precisas (volver encher os espazos onde estivera o invernadoiro, preparar o novo terreo, cavar zanxas...  Ademais, puxeron os troncos que tiñamos para comezar a crear o novo patio activo, que vai ser unha chulada! 

Tamén estiveron a traballar outros pais de alumnas e alumnos, como podedes ver.

Moitas grazas aos dous, polo voso esforzo e traballo para que todas e todos poidamos desfrutar agora duns novos espazos. 

Tornado nunha botella

Esta semana na aula de 5º de Educación Primaria conseguimos formar un tornado dentro dunha botella, aquí tedes un pequeno vídeo sobre o resultado:

O procedemento que seguimos foi o seguinte

1. Enchemos de auga unha das botellas ata aproximadamente 2/3 da súa capacidade. Se quere podes engadirlle colorante alimenticio. 

2. Collemos os dous tapóns e facémoslles un furado do mesmo tamaño en ambos os dous tapóns. 

3. Despois pegamos os tapóns, facendo una tubaría improvisada con dos roscas, coa que podemos unir as dúas botellas. 

4. A continuación colocamos os tapóns ás botellas e poñemos unha cara arriba e a outra ao revés. 

5. Xiramos as botellas no sentido das agullas do reloxo varias veces, poñémolas nunha mesa e observamos o que ocorre...

O que sucede é que se forma un pequeno tornado dentro da botella. 

Ao comezo, cando a botella chea está arriba, e a de abaixo so contén aire, a auga case non cae, polo efecto da presión atmosférica. Para que saia a auga ten que entrar aire nesa botella, e faino formando burbullas. Se axitamos a auga facendo círculos permitimos que o aire da botella de abaixo poida subir. Así se forma un vórtice de remuiño e a auga empeza a xirar rapidamente debido á forza centrípeta, que fai que a auga se pegue ás paredes da botella.

Nova gravación dun oso nos montes galegos

O xornal dixital GCiencia ofrécenos unha nova gravación dun oso parto nos montes galegos. Estas imaxes foron difundidas pola conta Lobos de Galicia, un vídeo de outubro pasado, nun lugar que prefiren non identificar para salvagardar a integridade dos animais. 

A mandarina

A semana pasada fixemos en 5º un experimento experimento cunha mandarina. Diante que íamos meter en auga para ver que ocorría, tivemos de formular unha hipótese sobre o que pasaría coa coa froita con casca e con ela sen casca: flotarían?, caerían ao fondo?, terían un comportamento distinto nun caso e no outro?, por que?

Finalmente observamos o que ocorreu, como vedes nas imaxes. No primeiro caso a mandarina flota, a mandarina con monda contén aire entre a pel e a polpa, e o aire ten menos densidade que a auga. No segundo caso, ademais, la mandarina sen monda é máis permeable á auga, que se mete entre os cuarteiróns, aumentando deste xeito o seu peso.

Experimento sobre densidade con auga e aceite

A semana pasada fixemos en 5º un experimento moi interesante con auga, xeo e aceite. Seguindo os pasos do método científico, vimos como a auga en estado sólido, o xeo, ten menor densidade que a auga líquida e que o aceite e, polo tanto, flota neste. 

Antes de facer o experimento elaboramos diferentes hipóteses sobre o que podía pasar e, despois do mesmo, rexistramos as nosas observacións.

Plantación da plantas e árbores

As alumnas e os alumno de quinto de primaria traballaron no horto. Plantaron máis de corenta plantas, xunto con dous profesores. Repartíronse en dous grupos de 14 e 4 alumnas e alumnos. Uns plantaron sementes de árbores en macetas (landras de carballo, sámaras de pradairo, castañas, noces, xinkgos... e outros plantas en diferentes espazos co colexio. 

Temos intención de cambiar o invernadoiro de lugar, a un novo sitio mellor para ter máis espazo de xogo nos recreos. 

COMEZO DO OUTONO 2020

O outono comeza hoxe 22 de setembro ás 15 horas e 31 minutos hora oficial peninsular, segundo cálculos do Observatorio Astronómico Nacional (Instituto Xeográfico Nacional - Ministerio de Fomento). Esta estación durará 89 días e 20 horas, e rematará o 21 de decembro, cando comezará o inverno.

No ceo ao amencer poderedes ver Venus e, ao comezo da estación, Marte; á noitiña serán visibles Xúpiter e Saturno, aos que se unirá Marte a mediados do mes de outubro.

O inicio do outono é a época do ano en que a lonxitude do día se acurta máis rapidamente. Ás latitudes da península, o Sol sae polas mañás máis dun minuto despois que o día anterior, e pola tarde ponse máis dun minuto antes. Así, ao comezo do outono, o tempo en que o Sol está por encima do horizonte diminúe case tres minutos cada día.

Esta información foi obtida da páxina:

https://astronomia.ign.es/inicio-de-las-estaciones, do Instituto Xeográfico Nacional

Benvidas e benvidos ao novo curso 2020-2021!

Ola a todas e a todos. Por fin xa estamos de volta ao colexio! Despois de tantos meses puidemos volver á nosa querida escola. Volvemos vernos e, aínda que con moita precacución e novos hábitos para protexernos do virus da Covid19, é unha gran alegría para todas e todos. 

Nesta novo curso debemos coidarnos seguindo todas as normas de saúde e distanciamento precisas para que poidamos seguir sans e desfrutando da compañía das nosas compañeiras e compañeiros e aprendendo todo o posible no colexio. Porque o máis importante é que esteamos sans, nós e as nosas familias. 

Tamén é importante que sigamos traballando na defensa e protección da Natureza e o Medio Ambiente, pois tamén é esencial que o planeta teña saúde. Se o noso planeta está san nós tamén o estaremos.

Xa temos nova lagoa!!

Nestes últimos días de xuño rematamos a ampliación da lagoa que tiñamos comezado días antes do confinamento polo Covid 19. Como lembraredes, primeiro a baleiráramos, deixándoa sen agua e estivéramos a cavar para facela máis grande. Cando chegou o confinamento, sen embargo, tivemos que abandoar todo este traballo e a lagoa secou. 

Pero agora, por fin retamatámola e quedou así de xeitosa. Agora xa volve haber ras, escarabellos acuáticos, zapateiros, ninfas de cabaliños do demo... En pouco tempo haberá de novo un ecosistema de seres vivos na nosa lagoa que poderemos estudar cando voltemos ao colexio.

Ata entón, felices vacacións a todas e todos!

O equilibrio dos ecosistemas e a biodiversidade

Neste vídeo fálannos da importancia de protexer o noso planeta respectando a súa diversidade.

Actividade 17 do Museo de Historia Natural da USC

O Museo de Historia Natural da USC ven de publicar un novo obradoiro para facer na casa, o número 17. Baixo o título "Unha augamar moi perigosa", no que nos ensinan a facer unha augamar, unha medusa con materiais que temos na nosa casa. Tamén fálannos da importancia dos mares e os océanos e da necesidade de protexelos dos plásticos.

Actividade 16 do Museo de Historia Natural da USC

O Museo de Historia Natural da USC (Universidade de Santiago de Compostela) ofrécenos a actividade 16 dos seus obradoiros de "O MHN na casa". Nesta ocasión fálannos dos ovos e as súas características e ensínannos a facer un ovo saltador.

FLORES NO NOSO COLEXIO!

DÍA MUNDIAL DOS OCÉANOS 2020

Hoxe, 8 de xuño é o Día Mundial dos Océanos. As Nacións Unidas lémbrannos que o noso océano é o noso futuro. Este día sérvenos para darnos de conta de que a actividade dos seres humanos está a  influir negativamente no seu estado e que temos que poñernos en marcha para preservar os océanos e, polo tanto, a vida sobre a Terra. Preme neste enlace ou na imaxe inferior para acceder a toda a información que nos ofrecen.

O secretario xeral das Nacións Unidas lémbranos que os océanos son o noso sustento. Son fundamentais para que poidamos vivir, Dentro deles existe unha gran diversidade biolóxica e sonunha defensa vital fronte a emerxencia climática que sufre o noso planeta.Se premes neste enlace ou na imaxe de abaixo, podes ler toda a mensaxe.

Tamén podes acceder ao portal oficial do Día Mundial dos Océanos: https://unworldoceansday.org/.
Na páxina de Aulas Galegas podes completar o nome de diferentes peixes:

DÍA MUNDIAL DO MEDIO AMBIENTE

Hoxe é o Día Mundial do Medio Ambiente. Este ano o tema central deste día é a biodiversidade, a diversidade, a cantidade e a variedade de seres vivos que habitan no noso planeta. É moi importante que existan moitas y variadas formas de vida. Grazas a ela temos auga e aire limpos, alimentos nutritivos, medicamentos naturais e podemos resistir a enfermidades naturais e se frea o cambio climático.

Hoxe en día a biodiversidade está en perigo, debido á acción dos seres humanos que provoca deforestación (desaparición de bosques e selvas), invasión dos hábitats da vida silvestre, a práctica da agricultura intensiva ou a contaminación atmosférica.
A aparición do COVID19 demostrou que cuando destruimos a biodiversidade poñemos en perigo a vida humana. 
Por iso é necesario que tomemos conciencia e cambiemos os nosos hábitos de vida, como persoas e na nosa sociedade.
Premendo neste enlace ou na imaxe de arriba, podedes acceder á paxína nas Nacións Unidas e ter máis información sobre esta situación e o que podemos facer entre todas e todos.

Neste outro enlace podedes visitar o sitio web do Día Mundial do Medio Ambiente do Programa das Naciones Unidas para o Medio Ambiente, onde atoparedes máis información.

Eco-Ideas ADEGA sobre aforro de auga

ADEGA (Asociación para a Defensa Ecolóxica de Galiza), envíanos unha nova actividade de Eco-Ideas, desta vez sobre o consumo responsable de auga nos nosos fogares, dándonos a coñecer algúns trucos para aforrar no seu consumo. Premede neste enlace ou na imaxe para velos. 

DÍA MUNDIAL DA BICICLETA

Hoxe, 3 de xuño celébrase o Día Mundial da Bicicleta. A páxina das Nacións Unidas lémbranos que a bicicleta é un medio de transporte sostible, sinxelo, asequible, fiable, limpio e ecolóxico que contribúe á xestión ambiental e beneficia a saúde.

Por iso anímanos a usar a bicicleta como medio para fomentar o desenvolvemento sostible, reforzando a educación das rapazas e dos rapaces, promover a saúde, previr as enfermidades, fomentar a tolerancia, o entendemento e o respecto e facilitar a inclusión social e a cultura da paz. Se queredes ter máis información desta celebración podedes premer neste enlace ou na fotografía de arriba e acceder á páxina das Nacións Unidas.

Ademais, a Dirección General de Tráfico (DGT) publicou a semana pasada nas súas redes sociais unha nova campaña divulgativa para fomentar o uso da bicicleta nas cidades, coincidindo co avance de fase en casi todas as provincias, despois da corentena. Premede no enlace para velo ou na dirección: 

Serpes en Galicia

Hoxé ímosvos falar das serpes que hai en Galicia. Xa sabemos que hai moitas persoas que lles teñen medo, moito medo! 

Ás veces, este medo ten que ver con que algunhas sepres son velenosas e nos poden facer dano. Ben, isto pode pasar e temos que ser coidadosos con isto, se vemos unha serpe é mellor que a deixemos tranquila, porque ela tampouco ten intención de facernos dano, so se pode revirar contra nós se se sente atacada.

En Galicia hai catalogadas oito tipos de serpes, e so dúas son velenosas: as víboras (a víbora de Seoane e a víbora cociñuda). O xornal GCiencia móstranos estas nove serpes. Para velas so tedes que premer neste enlace ou na imaxe de arriba.

No peor dos casos, se unha víbora nos morde debemos sempre permanecer tranquilos, para evitar que o corazón se altere e comece a bombear o sangue más rapidamente por todo o corpo. A continuación temos que pedir axuda médica, debes acudir ao centro de saúde máis próximo ou chamar directamente ao 061, como nos mostran neste artigo do xornal de La Voz de Galicia que podedes ler premendo neste enlace.

Obradoiro do confinamento 11

Aquí tedes unha nova actividade proposta polo Museo de Historia Natural da USC. Desta vez propón actividades relacionadas coas plantas e a natureza. Moitas grazas!

Webcams en tempo real para observar animais salvaxes

En Educación 3.0 móstrannos diferentes webcams que permiten observar en directo o comportamiento dun montón de animais: a Estación Biológica del Parque Nacional de Doñana, os hábitats presentados por SEO BirdLife (Sociedad Española de Ornitología), a vida salvaxe en África amosada pola plataforma Explore e por Africam e a vida dos animais salvaxes de Finlandia, que mostra a ONG WWF (World Wild Fund for Nature).

Premede no enlace ou na imaxe se queredes visitar a páxina de Educación 3.0, e nos nomes das organizacións para ver as súas páxinas.

Canto coñeces das praias galegas?

No xornal GCiencia chamounos a atención esta enquisa para comprobar se temos un bo coñecemento das praias galegas. Ben, parece difícil coñecelas todas, porque hai moitísimas (non volo podemos dicir porque é unha das preguntas da proba!). Pero cando menos das máis coñecidas sabemos moito, sobre todo se imos a elas, como xa é posible facer, afortunadamente. Aquí tedes a proba, a ver se sacades boa nota! E se non, non pasa nada, pode ser unha ocación para ir coñecelas!

Na foto de presentación amósannos a praia de Baldaio, do concello de Carballo, unha praia moi longa e cunha zona de marisma e unha lagoa impresionantes.

Premede neste enlace ou na foto se vos apetece facer a proba.

Neste xornal tamén podedes atopar outras novas moi intesantes relacionadas co mundo da ciencia e a tecnoloxía.

Día Internacional da Diversidade Biolóxica

Este pasado 22 de maio celebrouse o Día Internacional da Diversidade Biolóxica, instaurado polas Nacións Unidas. A diversidade biolóxica, ou biodiversidade, fálanos da gran variedade de plantas, animais e microorganismos que existen no noso planeta, incluídas todas as diferencias xenéticas e a variedade de ecosistemas (lagos, bosques, desiertos, campos agrarios,...) nos que se producen múltiples interaccións entre seres humanos, plantas e animais, e o seu entorno (auga, aire, solo...). Esta diversidade é a que sostén a vida sobre o noso planeta.

Pero esta biodiversidade está a perderse e nos afecta a todas a a todos, tamén á nosa saúde.

As Nacións Unidas proclamaron este día para aumentar a comprensión e a conciencia dos problemas da biodiversidade.

Para ter máis información deste fenómeno tan importante, podedes acceder á páxina das Nacións Unidas. Para iso, premede neste enlace ou na imaxe de abaixo.

Nesta páxina podedes atopar vídeos moi intersantes sobre este tema:

Nova proposta do Museo de Historia Natural

Aquí tedes a última proposta do Museo de Historia Natural no seu obradoiro de confinamento. Nesta ocasión propóñennos facer un volcán. Xa veredes que interesante! Premede na imaxe inferior para acceder á actividade, a que tamén podes chegar desde a columna dereita do noso blog.

DÍA MUNDIAL DAS ABELLAS

Mañá, 20 de maio, é o Día Mundial das Abellas. Como nos din na páxina da FAO (Organización das Nacións Unidas para a Alimentación e a Agricultura), as abellas, ao transportar o polen dunha flor a outra non so permiten a producción abundante de froitas, froitos secos e sementes, tamén máis variedade e mellor calidade.

Pero na actualidade o número de abellas e moitos outros insectos está a diminuír. Por iso é importante que saibamos da súa importancia e que levemos a cabo accións que as protexan e aumenten o seu número. Neste vídeo podedes ver algunhas accións que podemos facer nós.

A páxina das Nacións Unidas  tedes moita información sobre a importancia das abellas e que podemos facer todas e todos para protexer ás abellas a outros polinizadores: 

https://www.un.org/es/observances/bee-day
Máis abaixo podedes ver algúns vídeos máis sobre as abellas e a súa importancia:

Manual fogares verdes de ADEGA

A Asociación para a Defensa Ecolóxica de Galicia (ADEGA) está levando a cabo un programa de educación ambiental dirixido aos domicilios que ten como finalidade a promoción do aforro de auga e enerxía na vida cotiá. Vai dirixido a todos aqueles fogares interesados en participar. Se queredes ter máis información entrade na páxina de Fogares verdes, premendo no enlace.
Entre outras accións, publicou un caderno organizado arredor da enerxía e a auga. Se queredes descargalo podedes facelo neste enlace noso ou ir á páxina de ADEGA. Ten moita información valiosa para axudarnos a que o noso fogar sexa verde e contribúa a un mundo máis sostible.

A menor diversidade, máis pandemia

Neste artigo do xornal "El Mundo", na sección "Planeta inteligente" un proyecto de UE Studio e Acciona, podemos ler un interesante artigo sobre a relación entre a disminución da diversidade ecolóxica, coa deterioración dos ecosistemas e a destrucción de grandes zonas de bosques, e a aparición de pandemias no planeta. Premede neste enlace ou nesta imaxe de abaixo.  

COMEZAR A IDENTIFICAR AVES

Nesta páxina de Turismo de Galicia podedes aprender a identificar aves, atendendo ás súas características físicas (tamaño, forma, cor...) e ao seu comportamento. Ademais, as imaxes das aves con espectaculares! Preme na imaxe para acceder a esta páxina. E ao final da mesma podes descargar unha Guía básica de aves mariñas en formato pdf.

UN OSO NA SERRA DO INVERNADOIRO

Ola a todas e a todos! No xornal GCiencia nos mostran un vídeo espectacular de un oso pardo no Macizo Galego Ourensán, concretamente na Serra do Invarnadoiro. É a primeira vez que ocorre isto! Que ledicia!

Se queredes ampliar a información premede neste enlace.

E aquí vai o vídeo!

OS CATRO CATROS

Ola a todas e a todos! Nesta entrada mostrámosvos un enredo matemático, a ver que vos parece. Cada pouco tempo ímosvos ir facendo propostas matemáticas para pensar divertidas.
Este vídeo que vos presentamos pertence ao canal de YouTube Tocamates TV, de José Ángel Murcia. Tamén ten unha páxina moi interesante de propostas matemáticas creativas,  http://www.tocamates.com/.

Obradoiros do Museo de Historia Natural

O Museo de Historia Natural da USC (Universidade de Santiago de Compostela segue a publicar Obradoiros para o confinamento, un xeito divertido de aprender sobre o medio ambiente. O último que nos presentan é un obradoiro para facer pintura de mans biodegradable, xa veredes que ben o pasades! Premede neste enlace ou na imaxe para acceder a eles.

E tamén podedes ver alí os obradoiros anteriores, se non o fixestes, animádevos.

Actividades da Axencia Europea do Espazo

A ESA (European Space Agency), a Axencia Europa do Espazo, ofrécenos na súa páxina web ESA Kids moitas actividades moi interesantes, actividades, xogos, vídeos, concursos, noticias e un montón de artigos sobre o espacio, as misións espaciais europeas, ou mesmo información por se pensastes algunha vez ser astronautas. 

Podes acceder premendo nos enlaces ou na imaxe de abaixo. Anímate a visitar esta páxina!

Facer unha carteira cun cartón de leite

Este vídeo que vos transmitimos é unha nova ECOIDEA de ADEGA (Asociación para a Defensa Ecolóxica de Galiza). Trátase, desta volta, de facer unha carteira cun cartón de leite. Veredes que ben!

Se queredes visitar a súa páxina para ver máis ecoideas, premede neste enlace ou na dirección: 

https://euficonacasa.adega.gal/category/ecoideas-adega/

Curtametraxe sobre como vivir en harmonía

EQUILIBRIUM. STOP MOTION de Algarabía Animación, unha divertida curtametraxe realizada  para a empresa Inditex, onde nos plantexan cal é o noso papel na sustentabilidade e o equilibrio ecolóxico. Se queredes, botádelle un ollo á páxina de Algarabía Animación, veredes que interesante!

Móvete connosco na casa

A Dirección xeral de Educación, Formación Profesional e Innovación Educativa, a través dun grupo de especialistas en educación física e das súas familias deseñou unha programación semanal que permite ao alumnado traballar algúns destes aspectos. Premede no enlace ou na imaxe para acceder á páxina web e aos vídeos.

Nos seus vídeos amósannos unha serie de actividades físicas a desenvolver durante uns 15 minutos, deseñadas para que o alumnado faga na casa, e para as que non é preciso material específico. Son sinxelas e divertidas e significativas.

Van dirixidas a que o alumna realice actividades físicas e técnicas de relaxación,ferramentas que nos axudan a protexer a nosa saúde e a calma.

Páxina de ciencia para rapazas e rapaces

O Consello Superior de Investigacións Científicas (CSIC) dispón dunha páxina para rapazas e rapaces moi interesante, KIDS.CSIC, na que podedes aprender ciencia de maneira divertida. Nela hai xogos, películas e un montón de información interesante sobre diferentes aspectos da ciencia. Premede neste enlace ou na imaxe para poder acceder a ela, seguro que vos vai gustar.

MISIÓN NA ANTÁRTIDA

Neste artigo do xornal El País podedes ver unha reportaxe sobre unha das dúas estacións científicas españolas na Antártida, a base Juan Carlos I. Un xornalista viaxa a bordo do buque de Investigación Oceánica Hespérides, deseñado para facer investigación cientítica en todos os mares e océanos do planeta.

Neste artigo cóntanos moitos aspectos interesantes  sobre este continente e sobre as investigacións que se levan a cabo alí.

Inclúe algunhas imaxes espectaculares, ademais deste impresionante vídeo.

Para ver todo o artigo podes premer neste enlace ou na dirección da páxina:
https://elpais.com/elpais/2020/04/21/eps/1587488197_116875.html

FELIZ DÍA DA TERRA!

Hoxe é o Día Internacional da Nai Terra. E ela está a sufrir. Como nos din na páxina das Nacións Unidas, hai pouco foron os devastadores incendios que se produciron en Australia, despois a peor invasión de langosta que se recorda en Kenia, e agora o COVID-19, unha pandemia que ten relación coa saúde do noso ecosistema. Preme neste enlace ou na imaxe inferior para coñecer polo miúdo esta situación, por medio da páxina das Nacións Unidas.

A asociación Adega (Asociación pola Defensa Ecolóxica de Galiza) proponse publicar nas súas redes sociais 50 Eco-poemas enviados polos seus socios e socias e simpatizantes para simbolizar o seu Amor pola Terra.Os vídeos recompilatorios dos poemas poderanse ver nas contas de facebook (https://www.facebook.com/adega2.gal/), twitter (https://twitter.com/ADEGAgz) e instagram (https://www.instagram.com/adega_ecoloxismo/) de ADEGA, e tamén na súa canle de Youtube (https://www.youtube.com/user/adegainfo). Preme na imaxe para poder ver esa información.

Tamén, na páxina de Tropa Verde deséxannos un feliz Día da Terra e nos contan as orixes desta celebración: 

OCAS DO CONFINAMENTO

Aquí tedes dous xogos da oca para mantervos en forma. 

Ambas as dúas podémolas atopar na páxina do "Consejo general de la Educación Física y Deportiva". Alí podedes atopar máis xogos e recursos. Moitas grazas!

A primeira está pensada para 2º de Primaria, pero pode xogar con ela todo o alumnado de Primaria:

A segunda é un pouco máis esixente, pero tamén moi divertida, está sobre todo dirixida a 5º e 6ª de Educación Primaria. 

Ánimo, que vos axudará a estar en forma de xeito divertido!

Premede nas imaxes para acceder a estes contidos.

O WARI

O wari é un xogo que naceu en África e pertence a unha familia de xogos que ten miles de anos. Este xogo que vos presentamos aquí pode chamarse wari, wari, ourri, warri, oware, awari, awele... e hoxe xógase en Costa de Marfíl, un país africano e en moitos lugares do Caribe, en América, onde o levaron as persoas que levaron como escravas a América. 

Nos vídeos e enlaces que vos presentamos máis abaixo podedes acceder a unha explicación máis detallada deste xogo. Aquí ímosvos facer un resume de como se xoga. 

O material que se necesita é ben sinxelo: 

• 48 pedriñas, sementes, pauciños... obxectos pequenos fáciles de conseguir. 
• 14 furados para poñer estes obxectos, poden ser mesmo furados pequenos na terra, unha caixa de ovos, un taboleiro de madeira...  

É un xogo para dous xogadores. 

O obxectivo deste xogo é conseguir máis pedras, sementes... que o contrario. Xa que hai corenta e oito ao comezo, basta con capturar vinte e cinco para ter máis que o noso opoñente e gañar a partida. 

Hai dúas filas de seis buracos, unha para cada opoñente. A que esta máis cerca de nós é a nosa, a outra é a da outra persoa. 

Movemos desde un furado de noso lado e comemos nos do lado contrario. 

Desenvolvemento do xogo: 

Comezamos poñendo catro fichas en cada un dos doce furados. Se temos dous furados máis aos lados do taboleiro, o que está á nosa dereita é a nosa “casa”, alí iremos deixando as fichas que capturamos. Se non os hai gardámolas onde nos resulte máis cómodo. 

Un movemento consiste en coller todas as pedras dun dos buracos do noso lado e ilas poñendo unha a unha nos buracos seguintes, tanto nosos como do noso rival, no sentido contrario ao das agullas do reloxo. 

A captura, prodúcese cando ao poñer a última ficha faixe nun furado rival que ten, coa ficha que acabamos de poñer, dúas ou tres fichas, que comemos e levámolas para a nosa casa. Do mesmo xeito faremos cos furados anteriores ao último, sempre que sexan do rival e conteñan dúas ou tres pedras. Rematamos cando non se cumpla unha das condicións anteriores (xa non son furados do rival e non teñen dúas ou tres pedras).

Enlaces: 

https://www.cuartodejuegos.es/index.php/el-wari/

http://juegosdetablero.tripod.com/wari.html

O oso que aproveitou a corentena

Durante este tempo de corentena están a saír polos medios de comunicacións novas de animais salvaxes que aproveitan estes tempos de tranquilidade sen se sentir molestados pola presenza humana para moverse por todas partes. É o caso deste oso que puideron ver ultimamente nas montañas dos Ancares. No xornal GCiencia nos falan deste caso e inclúen un par de vídeos. Esperamos que vos guste!

Premede neste enlace ou na imaxe inferior para acceder á noticia.