Ata o curso que ven!

Pois xa chegamos ao remate deste curso! Nel fixemos un montón de actividades, no horto e relacionadas co Medio Ambiente, que podedes ver neste blogue. Agradecémosvos a todas e todos a voso implicación e traballo, alumnas e alumnos pero tamén moitas nais e pais. Moitas gracias!

Pizza de coliflor

Este mércores pasado preparamos unhas pizzas de coliflor coas coliflores que cultivamos no invernadoiro do noso colexio. Despois as comemos e a moitos rapaces e rapazas de Infantil lles gustou moito. Non a todos, claro, porque non a todas as rapaces e rapazas lle gusta a coliflor. Seguiremos durante o próximo curso a coñecer e apreciar as hortalizas, pois son moi importantes para que poidamos medrar sans.

A coliflor (Brassica oleracea) contén antioxidantes (que protexe as nosas células) e moitas vitaminas e minerais, ademais de moita fibra, moi boa para o noso intestino groso e para facer ben a dixestión, entre outras moitas propiedades beneficiosas.

Estudo do compost con Adega

Este mércores pasado, 20 de xuño María e Itziar, de ADEGA (Asociación para a defensa ecolóxica da Galiza) viñeron ao noso colexio e estudamos con elas o estado do noso compost, verificando o seu estado (temperatura, humidade, textura...), estudando os diferentes animais que interveñen no proceso da compostaxer e programando os seguintes pasos a seguir de cara ao verán e o próximo curso.

Foi unha visita moi interesante. Moitas gracias María e Itziar por acompañarnos nesta actividade e moitas gracias a Adega!

Inicio do verán 2018

Verán 2018

Este verán de comezará o 21 de xuño ás 12:07, hora oficial peninsular, segundo cálculos do Observatorio Astronómico Nacional (Instituto Xeográfico Nacional - Ministerio de Fomento). Durará 93 días e 15 horas, e rematará o 23 de setembro co comezo do outono.

Poderemos ver a Venus e Xúpiter polo serán durante todo o verán. Ao principio do verán veremos Marte ao amencer, e a fins de xullo será visible toda a noite, volvendo a ser visible pola tarde ao comezo de agosto. Saturno será visible durante toda a noite a comezos desta estación, e en xullo xa é visible á tardiña.

Haberá dúas chuvias de meteoros: as delta Acuáridas, que acadan o seu máximo número polo 30 de xullo, e as Perseidas, que chegan ao seu máximo o 12 de agosto. Como non será visible a Lúa, pois haberá lúa nova, o ceo escuro nos permitirá velas perfectamente.

Información obtida do Instituto XeográficoNacional.

DÍA MUNDIAL DOS OCÉANOS 2018

Hoxe, 8 de xuño é o Día Mundial dos Océanos. Este día celebrámolo para lembrar a importancia que teñen os océanos nas nosas vidas. Estes son os pulmóns do noso planeta, xa que xeran a maioría do osíxeno que respiramos.

Tamén conmemorámolo para tomar conciencia das consecuencias que ten a actividade humana sobre os océanos.

É importante que todos e todas nos unamos ao obxectivo da xestión sostible dos océanos, xa que son unha fonte importante de alimentos e medicinas e unha parte esencial de la biosfera.

Este año, o  lema é: «Limpemos os nosos océanos», poñendo en práctica iniciativas para previr a contaminación por plástico y propoñer solucións para uns océanos máis limpos.

Imaxe e información obtida da páxina web das Nacións Unidas: http://www.un.org/es/events/oceansday/

DÍA MUNDIAL DO MEDIO AMBIENTE, 5 DE XUÑO

O 5 de xuño é o Día Mundial do Medio Ambiente. Esta celebración foi establecida pola Asemblea Xeral de Nacións Unidas na súa resolución do 15 de decembro de 1972. Mediante esta conmemoración a Organización de Nacións Unidas (ONU) tenta sensibilizar á poboación mundial con respecto a temas ambientais. 

Este é un bo día para realizar diversas actividades relacionadas co Medio Ambiente.

Este ano a sede da celebración será a India, e nesta ocasión se centrará en combatir a contaminación por plásticos dun so uso, baixo o lema “Un planeta #SenContaminación por plásticos”.

Se queres ter máis información podes premer nestes enlaces: www.un.org/es/events/environmentday/ e http://worldenvironmentday.global/es/

No noso Concello, a Tropa Verde vaise sumar á celebración cun concurso que pretende concienciar á cidadanía sobre as alternativas no uso do plástico. Para teres máis información preme neste outro enlace: www.tropaverde.org ou a do Concello de Santiago