TULIPÁNS

Neste inicio de primavera imos ver agromar moitos tulipáns no colexio. Os alumnos e as alumnas de 1º estiveron a plantar unha morea deles, pois neste curso, e dentro do proxecto da Biblioteca, están a estudar os Países Baixos, onde, como xa sabedes, o tulipán é a flor máis característica. Que bonito imos ter o patio con todos estes tulipáns florecendo!

NEVE!!!

Onte caeu un pouco de veve pola mañán, foi moi chulo, lástima que durara tan pouco!

PLANTAMOS EN MARZO

PLANTAMOS EN MARZO on PhotoPeach

Novas ras!

Onte xoves volvimos soltar novas ras na nosa lagoa. Na solta participaron os alumnos e alumnas de Educación Infantil e máis de 1º de Educación Primaria. Tróuxonolas Mario, o pai de Alexandra, de 4 anos. Moitas gracias! Como podedes ver foi moi divertido e interesante!

Plantamos en marzo

Esta semana os alumnos e alumnas de 2º e 3º de Educación Primaria foron plantar ao horto. O alumnado da clase de 3º plantou o mércores, repolos e leitugas rizadas; o de 2º plantou ao día seguinte, xoves, neste caso repolos de diferentes variedades.

INICIO DA PRIMAVERA 2017

A primavera do ano 2017 comezará oficialmente o vindeiro 20 de marzo, ás 11:29 horas, segundo cálculos do Observatorio Astronómico Nacional (Instituto Xeográfico Nacional - Ministerio de Fomento). Esta estación durará 92 días y 18 horas, e rematará o 21 de xuño co comezo do verán.

Neste período o ceo da mañá vai estar dominado polos planetas Venus e Saturno. Este último tamén será visible pola noite durante o mes de xuño. Xúpiter vai ser visible toda a noite e, desde mediados de abril, tamén o veremos no ceo da mañá. Marte tamén será visible pola mañá e á tardiña.

Debemos ter en conta, tamén, que o domingo 26 de marzo terá lugar o cambio de hora, recuperando o horario de verán.

Este día, o 20 de marzo será o equinoccio de primavera. Nos equinoccios o día dura case o mesmo que a noite, é dicir, 12 horas, e iso é así en todos os lugares da Terra. Isto ocorre dúas veces ao ano: en marzo e en setembro. Daquela, os dous polos da Terra están á mesma distancia do Sol, e encóntrase iluminada unha metade exacta da Terra, mentres que a outra está escura. Ademais, nestes días o Sol nace exactamente polo punto do leste e se pon de igual xeito polo do oeste.

Información obtida nas seguintes direccións:

http://astronomia.ign.es/inicio-de-las-estaciones

http://www.elmundo.es/ciencia/2017/03/02/58b7f4e2468aebf1438b4618.html

http://www.cuandopasa.com/index.php?v=v27907h