Se queredes, tamén podedes participar
en carreiras que se organizan no noso Concello e en moitos lugares de Galicia.
Na páxina da Federación Galega de Atletismo, www.carreirasgalegas.com, no
apartado de calendario. No vindeiro mes de abril hai varias carreiras en
Santiago, unha en Teo e outra en Sigüeiro (esta última o 26 de abril), ademais de noutros lugares de Galicia.
Está demostrado que practicar deporte
de forma habitual é beneficioso para a saúde física e mental. Por se iso non
fose suficiente, está ligado a valores positivos que entran a formar parte da
personalidade e nos enriquecen como persoas.
Correr é saúde.
É practicar exercicio físico,
apostando por un xeito de vida saudable. Tamén é poñerte a proba, aprender a
coñecer os teu límites, é un desafío físico. É tamén a busca do benestar.
Ademais, é un claro exemplo de superación persoal.
A forza de demostrar os seus
beneficios, hoxe é un dos deportes máis practicados en todo o mundo por rapazas
e rapaces, adultos, avós e avoas, homes e mulleres...
Segundo sinalan os expertos, ao correr
o noso corpo ponse en acción sen necesidade de seguir ritmos alleos, non esixe
tempos, nin niveis, pois os obxectivos
son persoais. Por iso, é unha das actividades máis simples e completas á
vez.
Correr tonifica, elimina graxas,
favorece ao corazón, estimula a axilidade, pon máis resistencia á fatiga e mellora o equilibrio mental.
Está demostrado cientificamente que ao
practicar calquera tipo de deporte, incluso unha camiñada rápida, o corpo xera endorfinas, que son substancias que
actúan como neurotransmisores e que producen unha xenuína sensación de
benestar.
Correr mellora o sistema cardiovascular, a función
pulmonar e a capacidade cognitiva,
diminúe o risco de padecer infartos e
anxinas de peito. Ademais, aumenta o colesterol
bo (LDL) e reduce o risco de coágulos,
mellorando a eficacia dos pulmóns, mantén a elasticidade das arterias, e protexe o corpo do colesterol malo e a
arteriosclerose.
Co exercicio se manteñen útiles os tecidos musculares, ligamentos e tendóns.
Sen el, os nosos osos e músculos se debilitan e deterioran progresivamente.
Unha actividade física de intensidade moderada, como é saír a correr varios
días pola semana permite fortalecer os
músculos de todo o esqueleto e axuda a previr a osteoporose.
Segundo investigacións
estadounidenses, o exercicio estimula un tipo de células nai (mesenquimatosas)
para que creen células xeradoras de novo tecido muscular, que podería evitar a
perda muscular relacionada coa idade. Así mesmo, reduce o declive físico e
psicolóxico.
Investigacións da Universidade de Monash, en Australia, suxiren que a actividade física de correr pode aumentar
a produción de cartílago, e protexer
as articulacións da artrite. Tamén
contribúe a diminuír a celulite,
axuda a mellorar a flexibilidade e a
coordinación, elementos fundamentais
para garantir unha vida confortable e autosuficiente a idades avanzadas.
Ademais, correr mellora e aumenta a autoestima e a autoconfianza, pois permite comprobar con facilidade como día a día
se van superando obstáculos e se vai mellorando. Tamén, reduce o estrés e a ansiedade mediante a descarga de enerxía e a eliminación de presións
e tensións acumuladas. Posto que se se reducen as tensións, redúcese a
posibilidade de padecer outras enfermidades.
Investigadores da Universidade de Southern Methodist, mostraron que as
persoas reaccionan moito mellor ao estrés se realizan un exercicio aerobio intenso con regularidade.
Realizar deporte é tamén un medio de socialización, pois permite as relacións con outros afeccionados.
Ademais, aumenta a calidade do descanso.
Un estudio realizado na Universidade
de Gotemburgo, Suecia, demostrou que
os pacientes que padecían migrañas
tiñan menos episodios de cefalea
cando adestraban ao aire libre durante 40 minutos tres veces á semana durante
tres meses.
Por último, mencionar que correr
regula o apetito e facilita as dixestións.
Moitas razóns para correr
1. Correr é unha maneira eficiente
para lograr un bo nivel de adestramento
cardiovascular.
2. Correr é o más accesible dos deportes aerobios. Sen importar onde esteas sempre
vas atopar un lugar preto e agradable para correr. Non precisas instalacións
especiais nin equipamento pesado.
3. Correr é barato e fácil de aprender. So precisas un bo par de zapatillas,
roupa deportiva e ganas de empezar.
4. Correr é o método máis económico para reducir o estrés.
5. Correr é un excelente compoñente de
calquera programa de redución de peso,
porque consumes calorías de maneira rápida.
6. Correr é o método más flexible de adestramento. Podes correr
a calquera paso, con ou sen compañía, e no horario que máis te guste ou que
mellor se acomode á túa axenda.
7. Correr faite sentir ben. O teu estado físico, confianza e autoestima,
aumentan a medida que progresas no teu programa.
8. Correr permite a los afeccionados
participar nos mesmos eventos que os
atletas de máis alto nivel. No podes xogar ao fútbol nas ligas
profesionais, nin participar no Tour de
France, nin xogar na Liga ACB de
baloncesto. Pero si podes correr en carreiras (10 quilómetros, Maratóns...) xunto
cos mellores atletas.
9. Correr é para persoas de todas as idades. Hai programas de adestramento para
rapaces, para "master", para "senior" e para quen teña
ganas de correr.
10. Correr é un excelente medio para facer novas amizades. Vas coñecer a
moita xente saudable e te vai sorprender cantas cousas tes en común cos demais.
Ningún comentario:
Publicar un comentario