Que vos parece a nosa lagoa hoxe? Coidamos que
mellorou durante a fin de semana, pois a auga xa non está tan turbia. Dentro de
pouco a nosa lagoa irá creando o seu propio ecosistema onde todos os seres
vivos conviven e dependen uns dos outros. A isto van contribuír as plantas
acuáticas que puxemos. Velaí a lista das que xa están:
- Nenúfares ((Nymphaea spp.) tamén chamados lirios de auga
- Elodea, unha planta acuática que vive totalmente somerxida na auga
- Typha latifolia, unha especie de xunco ou espadana, tamén chamada mazá de auga
- Cyperus, outra especie de xunco. Deste mesmo xénero é o papiro, a planta coa que os antigos exipcios facían unha lámina na que podían escribir
- Equisetum arvense, ou cola de cabalo
- Alisma, outra planta acuática con flores moi vistosas
- Alocasia spp., ou orella de elefante
Ningún comentario:
Publicar un comentario