Traballando na compostaxe

Hoxe ás alumnas e aos alumnos de 3º tocoulles ir traballar co composteiro, como todos os venres. Cada venres vai un pequeno grupo desta aula. Ademais de botar os restos vexetais que producimos no colexio, tamén se encargaron de recoller follas para botar no composteiro e así permitir que se faga un bo compost. E agora si que hai follas das nosas árbores!

O ceo en Lavacolla

Así estaba o ceo en Lavacolla hoxe ás 8:50 horas.  

Sementes de xinkgo

Aquí podedes ver froitos do xinkgo. Estes foron collidos en San Caetano e plantámolos hai pouco en macetas. O xigkgo (Ginkgo biloba) é considerado un exemplo de fósil vivinte, pois os xinkgos existen desde hai millóns de anos. É unha árbore que pode acadar os 50 metros de altura! Tamén é unha árbore moi resistente. Sabíades que un xinkgo sobreviviu á bomba atómica que destruiu a cidade de Hiroshima, en Xapón? Estaba tan so a un kilómetro do lugar da explosión! E hoxe en día aínda está vivo! Un exemplo de esperanza por un mundo en paz!

Que paxaros son?

Petición de plantas

No colexio estamos a plantar o maior número posible de plantas aromáticas e medicinais, para ter unha gran variedade no noso horto. Polo momento estámolas a plantar en macetas, e despois na primavera plantarémolas fóra. Entre outras plantas, gustaríanos conseguir as seguintes:

• Milenrama  
• Axenxo
• Axedrea
• Salvia Piña
• Perilla
• Citronella
• Cola de cabalo

Tedes algunha destas plantas e podedes darnos un fillo dela ou un esquexe? 

 

AS ALUMNAS E OS ALUMNAS DE 2º NO HORTO

Onte as alumnas e os alumnos de 2º de Educación Primaria foron plantar ao invernadoiro. Plantaron coliflores e repolos. Tamén axudaron a limpar o entorno e botaron os restos de plantas, follas... no composteiro. Fixeron un bo traballo!

VISITA Á FROITEIRÍA LUZ

Onte as alumnas e os alumnos de Educación Infantil foron camiñando á froiteiría Luz, que está preto do noso colexio. Alí aprenderon moitas cousas sobre as froitas, comeron algunhas e compraron laranxas. Polo camiño atoparon algúns familiares o observaron algunhas plantas.