Benvida á Primavera

O xoves pasado no colexio celebramos o Día da Poesía dándolle a benvida a primavera con poemas. Varias aulas leron, recitaron e cantaron poemas sobre a primavera. Ademais, celebramos o Día Internacional dos Bosques falando da importancia das árbores na vida sobre o noso planeta. E, xa estamos a vivir a nova primavera, benvida primavera!!

Plantación conxunta

Este mércores as alumnas e alumnos de 4º de Educación Infantil e de 5º de Educación Primaria foron plantar ao horto. Plantaron unhas corenta leitugas. As rapazas e os rapaces maiores acompañaron e axudaron en todo momento ao alumnado de infantil, primeiro a poñer as botas e despois a plantar no invernadoiro. Foi unha experiencia moi enriquecedora para todas e para todos, e fixeron un bo traballo! Ademais, tiveron oportunidade de observar a lagoa, na que xa hai ras!

Día Internacional dos Bosques

Este xoves, 21 de marzo, celébrase o Día Internacional dos Bosques, declarado así nunha resolución aprobada pola Asemblea Xeral da ONU para celebrar a importancia de todos os tipos de bosques e de árbores en xeral, e crear conciencia ao respecto, invitando aos estados membros a presentar e promover actividades concretas con respecto bosques e árbores en xeral. Na mesma páxina das Nacións Unidas podedes coñecer os diferentes actos que propoñen, vídeos e recursos que ofrecen. Esta celebración faise coincidir coa día en torno ao cal comeza a primavera no noso hemisferio.

O tema elixido para esta edición es "Os Bosques e a Educación: Aprende a amar o bosque!".

Hoxe máis da metade da poboación mundial vive en cidades e cada vez ten menos relación coa natureza. A ONU busca que as rapazas e os rapaces coñezan a importancia dos bosques e os seus beneficios para as nosas vidas e o planeta. Os bosques, entre outros beneficios, producen aire e auga limpios, conservan a biodiversidade e frean o cambio climático.

A FAO (Organización das Nacións Unidas para a Alimentación e a Agricultura) amósanos dez cousas que deberíamos saber sobre os bosques. 

Pero a superficie que ocupan os bosques no noso planeta está diminuíndo, especialmente os bosques tropicais. Calcúlase que cada ano desaparece unha superficie de bosque equivalente a toda Andalucía, segundo a asociación Greenpeace.

Os bosques sosteñen a biodiversidade, regulan o clima e son vitais para o benestar human, segundo WWF.

Fotografías obtidas da wikipedia: 

https://gl.wikipedia.org/wiki/Bosque

COMEZO DA PRIMAVERA!!

A primavera comezará este mércores, 20 de marzo, ás 22h 58m hora oficial peninsular, segundo cálculos do Observatorio Astronómico Nacional (Instituto Xeográfico Nacional - Ministeriode Fomento). Durará 92 días e 18 horas, rematando o 21 de xuño, día no que comezará o verán.

Entrega de leitugas

O pasado martes as alumnas e os alumnos de 4º de Educación Primaria levaron cadansúa leituga á casa, que plantaran hai un tempo. Preparáronas para levar as alumnas e os alumnos de Educación Infantil, e as súas mestras.

ODE AO NACEMENTO DUNHA FOLLA

¿Que cantidade de marabilla

foi precisa para que

se producira este prodixio?

¿Que dor ou que alegría

sentiu a árbore

cando esta folla

xurdiu á luz de súpeto?

¿Que lle diría o vento

cando a ollou?

Cando se menea e vibra:

¿Que segredo ou mensaxe

nos quere transmitir?

¿Como e de que xeito

tivo que adelgazar a terra,

rubir árbore enriba, facerse

vidro musical e transparente

e ser delicada folla estremecida?

Manuel María

As lúcidas lúas do outono, 1988

MARZO 2019

Marzo é o terceiro mes do ano no noso calendario, e ten 31 días. O seu nome deriva do latín Martius, que era o primeiro mes do calendario romano. Martius, á súa vez, derívase de Mars, o nome en latín de Marte, deus romano da guerra.

O 20 de marzo, ás 22h 58m hora oficial peninsular, segundo cálculos do Observatorio Astronómico Nacional (Instituto Xeográfico Nacional - Ministerio de Fomento)comezará a primavera. Durará 92 días e 18 horas e remata o 21 de xuño, co comezo do verán.

En toda a primavera Marte será visible despois de poñerse o Sol. Ao mencer veremos Venus, Saturno e Xúpiter, que será visible durante toda a noite cara fins da primavera. Nesta estación non haberá ningún eclipse, nin de Sol nin de Lúa.

Tamén teremos que cambiar a hora, polo que poderemos aproveitar máis as horas de luz pola tarde. O día 27 de marzo ás 2:00 da mañá o reloxo cambiarase ás 3:00 da mañá. Así teremos máis horas de luz polas tardes, mentres que pola mañá amencerá máis tarde. O cambio horario prodúcese dúas veces ao ano e o seu obxectivo é aforrar enerxía.

Marzo adoita ser un mes moi cambiante, con días moi chuviosos e fríos e outros asollados e primaverais. Tamén soe aumentar a temperatura media, aínda que as mañás seguirán a ser frescas. Por outro lado, soe ser un dos meses máis ventosos na nosa Comunidade.

Ao ser un mes de transición entre o inverno e a primavera, disporemos de froitas e verduras de tempada como as acelgas, tomates, amorodos ou xudías verdes. 

Neste mes celebramos o Entroido, que finalizou o pasado mércores 6, o Mércores de Cinza.

Entre as celebracións que se levan a cabo este ano destacan as seguintes datas:

• 3 de marzo - Día Mundial da Natureza
• 8 de marzo - Día Internacional das Mulleres
• 21 de marzo - Día Mundial dos Bosques
• 21 de marzo - Día da Poesía
• 22 de marzo - Día Mundial da Auga
• 27 de marzo - Día Internacional do Teatro

O día 19 de marzo, San Xosé, ademais, é festivo en Galicia, e noutras comunidades (Comunidade Valenciana, Murcia, Navarra e País Vasco.

Informacións obtidas das seguintes páxinas:

https://es.wikipedia.org/wiki/Marzo

https://astronomia.ign.es/inicio-de-las-estaciones

https://noticias.eltiempo.es/10-cosas-debes-saber-del-mes-de-marzo/