LIBROS

 Aquí tedes tres títulos moi interesantes con actividades para facer no horto e no xardín cos pequenos.

O ANO DOS LEGUMES

O ANO DOS LEGUMES

Este ano 2016 foi proclamado Ano Internacional dos Legumes pola Organización de las Naciones Unidas para la Alimentación y la Agricultura (FAO), na Asamblea Xeral das Nacións Unidas.

Os legumes son alimentos moi completos, pois conteñen ferro, minerais, calcio, fósforo, vitaminas, fibra e proteínas, e posúen un elevado valor nutritivo.

Se queres, podes ver a páxina da FAO relativa a esta celebración pulsando neste enlace ou mesmo na fotografía de arriba. 

No noso colexio, en consonancia con isto, imos adicar unha parte importante do noso horto a plantar diferentes tipos de legumes ao longo deste ano.

MANTIS

Mantis, barbantesa (Mantis religiosa).

Este insecto atopámolo polo mes de novembro á mesma entrada do colexio. Collémolo nun tarro e obsevámolo durante un tempo. Finalmente fixémoslle estas fotografías e devolvémolo á natureza. Impresionáronos os seus ollos e o seu porte altivo e elegante. É unha sorte que sen saír do colexio podamos admirar animais tan belos e curiosos. Gústanos os animais, tamén os que moitas veces chámanse bechos dun xeito despreciativo, pero nós sabemos que todos os animais son importantes, e que cada un deles é un ser vivo especial. Por iso respectámolos e non os matamos. Se queredes ter máis información sobre este insecto, premede na primeira fotografía ou neste enlace.

COMPOSTAXE

Temos compostaxe! Esta semana baleiramos os nosos composteiros e comprobamos a súa textura. Despois botámolo na terra da horta, á espera de traballalo coa fresa. Gustounos moito o resultado acadado!

BICHOS

Comezamos a traballar no horto

Comezamos a traballar no horto este venres pasado os alumnos e alumnas de 5º e 6º de primaria saíron ao horto a cachear patacas e recoller as cabazas que podedes ver nestas imaxes. Tamén fixeron unha boa limpeza, podando e arrincando malas herbas. Foi un bo traballo!

COMEZAMOS UN NOVO CURSO!

COMEZAMOS UN NOVO CURSO!

Ola a todos e a todas, xa estamos aquí de novo, e despois das vacacións, que esperamos que disfrutárades de verdade, ímosvos propoñer un curso no que pretendemos que o pasedes moi ben, con actividades interesantes relacionadas co coñecemento, a protección e a defensa do medio ambiente, porque defender o medio ambiente é mellorar as vidas de todos os seres vivos, incluídos, por suposto, os seres humanos e, en definitiva a vida na Terra, que é a nosa casa e o lugar donde vivimos nós e onde vivirán as novas xeracións.

Queremos aprender moitas cousas sobre a vida na Terra, sobre o lugar no que vivimos, sobre como levar unha vida máis sana e en harmonía coa natureza... 

Sabemos, ademais, que se vivimos esta aventura xunt@s podemos aprender moito máis, pois todas as persoas aprendemos unhas das outras, e axúdándonos mutuamente aínda moito máis. E cando dicimos que todas aprendemos de todas estamos dicindo, por exemplo, que non so os alumnos e alumnas aprenden dos profesores e profesoras, senón que os profesores e profesoras aprendemos tamén dos alumnos e alumnas. Ademais, está demostrando que cando colaboramos todos e todas na aprendizaxe, ista é motísimo maior!