E ti, que deporte fas?

Ola a todas e a todos. Hoxe imos iniciar unha nova sección que leva o título: “E ti, que deporte fas?”. A idea é que quen queirades, tanto alumnas e alumnos como nais, pais, avoas, avós... nos contedes que deporte practicades e que significa para vós. Se vos serve de axuda e queredes, podedes ir contestando, por exemplo, ás seguintes preguntas, pero se preferides contárnolo doutra maneira, adiante.

As preguntas poderían ser estas:

Que deporte practicas?

Desde cando fas este deporte?

Por que empezaches a practicalo?

Como te sentes cando fas deporte?

Que ten de bo para a saúde?

Que aprendiches practicando este deporte?

Que competencias, habilidades, valores... cres que ensina ou transmite o teu deporte?

Por favor, enviade as vosas colaboracións ao colexio a traveso das vosas fillas e os vosos fillos no formato que estimedes oportuno. Despois nós (profesorado e alumnado ) irémolas publicando.

Coa vosa participación estades animando a moitas persoas e a moitas rapazas e rapaces a levar unha vida sa e activa, e a transmitir valores que van ser importantes nas súas vidas. Gracias pola vosa participación, esperámosvos!