EXPERIMENTO PARA OBSERVAR O FOTOTROPISMO

QUE PRECISAMOS. MATERIAIS

• Xudías ou chícharos
• Vaso pequeno
• Unha caixa pequena (serve unha de zapatos)
• Dous anacos de cartón
• Tesoiras
• Cinta adhesiva
• Terra

PROTOCOLO. PASOS A SEGUIR

1. Planta unha ou dúas sementes nun vaso pequeno con terra. Régao e deixa que medren durante uns días. 
2. Se xa xerminou algunha das sementes que plantaches a semana pasada, métea no vaso xunto coa terra.
3. Corta dous anacos de cartón máis curtos que o ancho da caixa e pégaos a diferente altura dentro da caixa. Así quedará un espazo libre para que a planta poida subir por aí.
4. Fai un furado na parte de arriba da caixa.
5. Pon o vaso na parte de abaixo da caixa e péchaa.
6. Deixa a caixa nun lugar soleado durante varios días. Vai comprobando o seu crecemento e rega cada dous días.

QUE OBSERVAS?

Para as plantas é esencial atopar luz, pois precísans para producir enerxía. Foto significa luz. Neste experimento puxémoslle a planta uns obstáculos no seu camiño, que ela deberá superar.