EXPERIMENTOS EN INFANTIL

Nas aulas de Educación Infantil comezamos a facer experimentos relacionados co horto e o Medio Ambiente. A semana pasada puxemos en marcha un experimentos para estudar a descomposición da materia orgánica en catro diferentes condición (como se descompoñen anacos de plátano se os deixamos sos, se os mesturamos con auga, se lles engadimos fermento e se lles poñemos auga e fermento). Agora imos ir observando os diferentes ritmos de descomposición e o que ocorre en cada caso. Por outra parte iniciamos un experimento de observación do comportamento dos caracois. Nun primeiro momento preparamos varios botes de cristal cuns poucos caracois. Tamén facemos experimentos con eles, por exemplo, que tipo de alimentos escolles por si propios. En ambos os dous casos estamos a levar rexistros do que imos observando. Xa vos iremos informando de como se desenvolven estes experimentos. Pero tamén faremos máis!

GRANXA DE CARACOIS EN 1º

Esta semana os alumnos e alumnas de 1º preparamos unha granxa de caracois. Para iso o primeiro foi buscar os caracois, estaban moi agochados para non ter frío! Despois collemos unha botella de auga das de 5 litros, metémoslle terra, pedras e algo de comida e pechámoslle a pequena porta que fixemos na parte superior. E xa está! A partir de agora imos estudar os costumes dos caracois observándoos e facendo algúns experimentos (por exemplo, ver que tipo de alimentos prefiren... Xa vos iremos contando, ata pronto!

OS ALLOS ESTÁN A ABROLLAR!

Como vedes, os allos que plantaron os nenos e nenas de Educación Infantil están a agromar e medrar no sementeiro. Dentro de pouco xa estarán preparados para que os plantemos no horto. Por certo, Amable, o tío de Martín de 5º, veunos fresar o terreo do horto por segundo ano consecutivo. Moitas gracias!!

BRRRR QUE FRÍO!!!

Esta semana está a facer moitísimo frío! A nosa lagoa apareceu varias mañáns conxelada, pero os peixes seguen vivos e nadando baixo o xeo! Ánimo peixiños!

HELLEBORUS NIGER e BOMBUS TERRESTRIS

Mirade que flores máis chulas temos na entrada do colexio, en pleno inverno. A planta ten varios nomes: heléboro, rosa de Nadal, rosa de Noel... O seu nome científico é Helleborus niger. Tamén podedes ver un abellón, Bombus terrestris, libando destas flores. Este insecto é moi beneficioso porque as súas patas traseiras ten longos pelos aos que se quedan pegados os grans de polen das flores; é moi beneficioso, pois, para a agricultura e os xardíns.

Carro

Plantando allos

A semana pasada os nenos e nenas de Educación Infantil estiveron a plantar allos nun sementeiro. Estas próximas semanas van coidalos dentro da aula. Despois plantaranos no horto. 

Plantación en Educación Infantil

Onte e hoxe os alumnos e alumnas de Educación Infantil estiveron a plantar diferentes plantas, sobre todo hortensias de diferentes variedades. Nolas trouxo Beatriz, a nai de Alexandra de 4 anos. Moitas gracias. Como vedes nunha das fotos que nos mandou están os nomes destas plantas.

e