Plantamos repolos en 1º

Os alumnos e as alumnas de 1º de Educación Primaria plantaron o pasado venres repolos. Se queredes ver consellos sobre como plantar repolos, podedes premer neste enlace.

Visitas animais

Plantamos os allos no horto

Onte xoves os alumnos e as alumnas de Educación Infantil foron plantar os allos que agromaran no sementeiro. Viron como estaban as raíces nos plantóns e que xa precisaban espacio para que as plantas podan seguir medrando.

O ARCO DA VELLA!

O ARCO DA VELLA

O arco da vella

no ceo subido

co seu colorín,

                            co seu colorido.                          

O arco da vella

con sete colores

que teñen, no ceo,

beleza de flores.

O arco da vella

no ceo chantado

co seu colorín,

co seu colorado.

O arco da vella

é un arco triunfal

con sete guerreiros

que a ninguén fan mal.

O arco da vella

de luz feito é.

¡Resulta un milagre

que siga de pé!

                             (Manuel María: Os soños na gaiola)

PINTAFONTES

Onte no patio, entre unhas follas, atopamos un pintafontes, un tritón común (Triturus boscai). O pintafontes é un anfibio e, como todos os anfibios, a súa vida pasa por varias fases. Neste caso está vivindo nunha fase terrestre, polo que a súa cor é moi escura.  Collémolo con moito coidado, o observamos, fixémoslle algunhas fotos e finalmente devolvémolo á herba que está preto da lagoa.

GRANXA DE CARACOIS EN EDUCACIÓN INFANTIL

Durante unhas semanas, nas aulas de Educación Infantil imos observar e estudar o comportamento dos caracois, para os que preparamos unhas "granxas" de caracois como a que vedes nestas imaxes. Imos estudar os seus costumes e ir rexistrando diferentes aspectos do seu comportamento. Esperamos aprender moito da súa vida!